ဝဒေသ အမည်ပြောင်းပြီ

ဇာနည်ဝင်း | ဇန်နဝါရီ ၅၊ ၂၀၀၈

အပစ် အခတ် ရပ်စဲရေး အဖွဲ့တခု ဖြစ်သည့် ၀ပြည် သွေးစည်း ညီညွတ်ရေး ပါတီက ၎င်းတို့၏ ဒေသကို “မြန်မာ နိုင်ငံတော် ၀ ပြည်နယ် အစိုးရ အထူး အုပ်ချုပ်ရေး ဒေသ” ဟု စတင်သုံးစွဲ နေပြီဖြစ်ကြောင်း တရုတ်မြန်မာနယ်စပ် သတင်းရပ်ကွက်များမှ သိရသည်။

ရုံးသုံးတံဆိပ်တုံးများကို အစားထိုးပြင်ဆင်ပြီးဖြစ်ကြောင်း၊ ယခုလ ၁ ရက်နေ့ကစပြီး စတင်သုံးစွဲခဲ့ကြောင်း တရုတ်-မြန်မာ နယ်စပ် အခြေစိုက် စစ်ရေးလေ့လာသူ ဦးအောင်ကျော်ဇောက ပြောပြသည်။

“သဘောက ဘာကို ဖော်ပြသလဲ ဆိုတော့ သူတို့ကလည်း ပြည်နယ်တခုဆိုတဲ့ သဘောပေါ့” ဟု ဦးအောင်ကျော်ဇော်က သုံးသပ်ပြသည်။

ဝပြည် သွေးစည်းညီညွတ်ရေးပါတီတွင် စစ်သည်အင်အား နှစ်သောင်း ၀န်းကျင်ရှိမည်ဟု ယူဆရသည့် ၀ ပြည်သွေးစည်း ညီညွတ်ရေး တပ်မတော် (UWSA) ဟုခေါ်သော လက်နက်ကိုင်အဖွဲ့ကြီးတခု ရှိသည်။

ဝ တပ်ဖွဲ့သည် ၁၉၈၉ ခုနှစ်တွင် ဗမာပြည်ကွန်မြူနစ်ပါတီမှ ခွဲထွက်ပြီး စစ်အစိုးရနှင့် အပစ်အခတ်ရပ်စဲရေး သဘောတူညီချက် ရယူခဲ့သည်။ အထူးဒေသ အမှတ် - ၂ အဖြစ် စစ်အစိုးရ သတ်မှတ်ပေးသော ရှမ်းပြည်နယ်အရှေ့ပိုင်း ဒေသတွင် UWSA တပ်ဖွဲ့များ လှုပ်ရှားခဲ့သည်။

ယမန်နှစ်က အတည်ပြုခဲ့သည့် “ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံ အခြေခံဥပဒေ” တွင်လည်း ၀ ဒေသကို ကိုယ်ပိုင်အုပ်ချုပ်ခွင့်တိုင်း အဖြစ် ထည့်သွင်း ပြဌာန်းထားပြီးဖြစ်သည်။

အခြေခံဥပဒေတွင် “ရှမ်းပြည်နယ်ရှိ ဟိုပန်မြို့နယ်၊ မိုင်းမောမြို့နယ်၊ ပန်ဝိုင်မြို့နယ်၊ နားဖန်းမြို့နယ်၊ မက်မန်းမြို့နယ် နှင့် ပန်ဆန်း(ပန်းခမ်း) မြို့နယ်တို့ကို ခရိုင်နှစ်ခရိုင်ဖွဲ့ပြီး “၀” ကိုယ်ပိုင်အုပ်ချုပ်ခွင့်ရတိုင်း” အဖြစ် ဖော်ပြထားသည်။ အဆိုပါ သံလွင်မြစ်အရှေ့ဘက်ခြမ်းမှ မြို့နယ် ၆ ခုမှာ တရုတ်မြန်မာနယ်စပ်တွင် တည်ရှိသည်။

ပြည်ပရောက် အတိုက်အခံများ ရေးဆွဲထားသည့် အခြေခံဥပဒေ မူကြမ်းတခုတွင်လည်း ၀ဒေသကိုယ်ပိုင်အုပ်ချုပ်ရေးကို သဘောတူထားသည်ဟု ထိုင်းနိုင်ငံ ချင်းမိုင်မြို့အခြေစိုက် သျှမ်းသံတော်ဆင့်သတင်းဌာန အယ်ဒီတာ ဦးခွန်ဆိုင်းက ဆိုသည်။

စစ်အစိုးရက ဤအပြောင်းအလဲကို သဘောတူပါက စစ်အစိုးရတပ်များနှင့် ၀ တပ်ဖွဲ့များ စစ်ရေးအရ ရန်စောင်နေမှုများ လျော့ကျသွားနိုင်သည်ဟု ဦးခွန်ဆိုင်းက သုံးသပ်သည်။

“သူတို့မှာ ကိုယ်ပိုင်ပြဌာန်းခွင့်ရှိတဲ့ပြည်နယ် ထူထောင်နိုင်တယ်လို့ ဒီ ရှမ်းပြည်နယ် ဖွဲ့စည်းပုံ အခြေခံဥပဒေ မူကြမ်းထဲမှာ ပြဌာန်းထားပါတယ်” ဟု ဦးခွန်ဆိုင်းက ရှင်းပြသည်။

“အဆုံးသတ်အနေနဲ့ ပြောမယ်ဆိုရင် အကောင်းဘက်ကိုပဲ သွားမှာပါ။ သူက သူလိုချင်တဲ့ အခွင့်အရေးတွေ တောင်းနေတာပဲ။ ရသင့် ရထိုက်တာပဲ။ သို့သော်လည်းပဲ ဖြစ်သင့်ဖြစ်ထိုက်တဲ့ အခြေအနေက သူတို့လည်း နားလည်တာပါပဲ။ သူ့ရဲ့ အိမ်နီးနားချင်းတွေအားလုံး သဘောတူညီတဲ့ အခြေအနေ ဖြစ်ရမှာပေါ့။ အဲဒီလိုမဖြစ်ဘူးဆိုရင် သူ ရေရှည် ဘယ်လို တည်တံ့နေနိုင်မလဲ” ဟု ရှမ်းပြည်နယ်ရေးရာသတင်းများကို အထူးပြု လေ့လာရေးသားသူ ဦးခွန်ဆိုင်းက သုံးသပ်လိုက်သည်။

ဂျာနယ်၊ မဂ္ဂဇင်းအစောင် ၃၀ ကျော် လိုင်စင်သိမ်းခံရ

အေးချမ်းမြေ့ | ဇန်နဝါရီ ၅၊ ၂၀၀၉

ငွေကြေး အခက် အခဲကြောင့် ဆက်လက် သက်တမ်း တိုးနိုင်ခြင်း မရှိသည့် ပြည်တွင်း အပတ်စဉ် ဂျာနယ် ၁၁ စောင်နှင့် မဂ္ဂဇင်း အစောင် ၂၀ တို့ကို မြန်မာ နိုင်ငံ စာပေ စိစစ်နှင့် မှတ်ပုံတင် ဌာနက ထုတ်ဝေခွင့် ဖျက်သိမ်း လိုက်ကြောင်း သတင်းရရှိသည်။

ထုတ်ဝေခွင့်လိုင်စင် ပိတ်သိမ်းခံရသော ဂျာနယ်မဂ္ဂဇင်းများထဲတွင် Trend ရေစီးကြောင်း ဂျာနယ်၊ ဂီတကမ္ဘာ ဂျာနယ်၊ မဟာ ဂျာနယ်၊ စာအုပ်လောကမဂ္ဂဇင်း၊ သက်တန့်ရောင်စဉ် ဂျာနယ် အစရှိသဖြင့် နာမည် အနည်းငယ်ရှိသော မဂ္ဂဇင်း၊ ဂျာနယ်များ ပါဝင်သည်။

“ထုတ်ဝေခွင့်တွေ တင်လို့ရတယ်ဆိုတုန်းက အသည်းအသန်တင်ကြပြီး တကယ်တမ်းကျတော့ မလုပ်နိုင်ကြ တော့ဘူး။ သက်တမ်းတိုးဖို့ဆိုတာက တနှစ်တနှစ် သိန်းနဲ့ချီပြီးသွင်းရတာ။ ဂျာနယ်မဂ္ဂဇင်းလုပ်တယ်ဆိုတာ နောက်ခံဘက်ဂရောင်း တောင့်မှ။ မဟုတ်ရင် ခွက်ခွက်လန်အောင် ရှုံးတာပဲ” ဟု ပြည်တွင်း မဂ္ဂဇင်းတစောင်မှ အယ်ဒီတာတဦးက ပြောသည်။

မဂ္ဂဇင်း၊ ဂျာနယ်များကို ထုတ်ဝေခွင့်ချပေးပြီးသည်နှင့် တပြိုင်နက် တနှစ်တခါ သက်တမ်းတိုးရန် လိုအပ်ပြီး သက်တမ်းမတိုးနိုင်သည့် မဂ္ဂဇင်း၊ ဂျာနယ်များကို လိုင်စင်ပိတ်သိမ်းခြင်းဖြစ်သည်။

ယခုလိုင်စင်ပိတ်သိမ်း ခံရသည့် ဂျာနယ်နှင့် မဂ္ဂဇင်း ၃၁ စောင်မှာ ပြီးခဲ့သည့် ၂၀၀၆ ခုနှစ် ဒီဇင်ဘာ ၃၁ ရက်နေ့ ကတည်းက သက်တမ်း ဆက်လက် တိုးနိုင်ခြင်း မရှိတော့သဖြင့် ပိတ်ခံရခြင်းဖြစ်ကြောင်း ယနေ့ဖြန့်ချိသည့် ရန်ကုန်အခြေစိုက် The Voice အပတ်စဉ်ဂျာနယ် တွင် ရေးသားထားသည်။

လက်ရှိမြန်မာပြည်တွင်းရှိ မဂ္ဂဇင်းနှင့် ဂျာနယ်ဈေးကွက်ကို အောင်မြင်သည့် မီဒီယာအုပ်စုကြီးများက သိမ်းပိုက်ထားခြင်းဖြစ်ပြီး လူအင်အား၊ ငွေအင်အားနှင့် အစိုးရ နောက်ခံအင်အား ကောင်းကောင်းရှိမှသာ အောင်မြင်သော မဂ္ဂဇင်း၊ ဂျာနယ်တစောင်ဖြစ်နိုင်ကြောင်းနှင့် ဖျက်သိမ်းခံရသော ဂျာနယ်များ၊ မဂ္ဂဇင်းများမှာ နောက်ခံ ငွေအင်အား၊ လူအင်အား တောင့်တင်းခြင်း မရှိဘဲ တဦးတည်းပုံစံဖြင့် တိုးဝင်လုပ်ကိုင်သူများ ဖြစ်ကြောင်း မဂ္ဂဇင်းအယ်ဒီတာက ရှင်းပြသည်။

ယခုအခါ စီးပွားရေးအရ အောင်မြင်ရပ်တည်နိုင်သည့် မီဒီယာအုပ်စုများမှာ စုစုပေါင်း လည်ပတ်နေသည့် ဂျာနယ်၊ မဂ္ဂဇင်း ၂၀၀ ကျော်တွင် ၁၀ ခုအောက်သာရှိတော့သည်။ ၎င်းတို့ထဲတွင် မြန်မာတိုင်းမ်စ်၊ ဝီးကလီးအလဲဗင်း၊ ရန်ကုန်မီဒီယာ၊ လစ်ဗင်းကာလာ၊ ကုမုဒြာ၊ ရွှေအမြုတေ စသည့် မီဒီယာအုပ်စုများ ပါဝင်သည်။

“စီးပွားဖြစ် ဂျာနယ်ကြီးတွေဆိုရင် တပတ်လောက် နားလိုက်ရတာနဲ့ ငွေတွေ အများကြီး ဆုံးရှုံးရတာ။ ဒီတော့ အဆင်ပြေအောင်၊ ဂျာနယ်အနားမခံရအောင်လည်း လုပ်ရတယ်။ ပေါ်လစီဆောင်းပါး အတွက် စာမျက်နှာ ပေးရတာလောက်က ဘာမှ မဟုတ်သေးဘူး၊ မထည့်စေချင်တာ မထည့်မိဖို့၊ ဖြုတ်ခိုင်းတာ ဖြုတ်ဖို့ အထူးသတိထားရတယ်” ဟု အဆိုပါ အယ်ဒီတာက ပြောသည်။

၂၀၀၈ ခုနှစ်အတွင်းက ဦးဝင်းတင်အကြောင်းကို ဖော်ပြခဲ့၍ ၂ လပိတ်ခံရသော အက်ရှင်တိုင်းမ် ဂျာနယ်ဆိုလျှင် ပိတ်ရက်ကာလ ကျော်သွား၍ ထုတ်ဝေခွင့်ပြန်လည်ရရှိသည့်တိုင်အောင် ဆက်လက် ထုတ်ဝေခြင်း မပြုနိုင်တော့ကြောင်း ၎င်းဂျာနယ်နှင့် နီးစပ်သည့်အသိုင်းအဝန်းမှ ကြားသိရသည်။

“အရင်ကတည်းက စီးပွားရေးအရ သိပ်တွက်ခြေကိုက်တာမဟုတ်ဘူး။ ၂ လပိတ်ခံလိုက်ရတော့ တော်တော် လေးထိသွားတယ်။ နောက်ပြီး ဆက်ထွက်ရင်လည်း ဂျာနယ်ကို စိစစ်ရေးက ပိုပိုပြီးကြပ်မှာဆိုတော့ နောက်က တခြားစီးပွားရေးတွေပါ ထိခိုက်လာနိုင်တယ်။ အဲဒါကြောင့် ဆက်မထုတ်တော့တာလို့ ကြားပါတယ်” ဟု အက်ရှင်တိုင်းမ်နှင့် နီးစပ်သည့် အသိုင်းအဝန်းမှ တဦးကပြောသည်။

ရန်ကုန် လုံခြုံရေး အထူးတင်းကျပ်

အောင်သက်ဝိုင်း | ဇန်နဝါရီ ၅၊ ၂၀၀၉

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်ကို နေအိမ် အကျယ်ချူပ် ချထားခြင်းမှ ပြန်လည် လွှတ်ပေးရန် အမျိုးသား ဒီမိုကရေစီ အဖွဲ့ချုပ် (NLD) အဖွဲ့ဝင် လူငယ် ၉ ဦးတို့ လမ်းလျှောက် ဆန္ဒပြမှု ပြုလုပ်ခဲ့ပြီး နောက်ပိုင်း စစ်အစိုးရက ရန်ကုန်မြို့တွင် လုံခြုံရေး အထူးပြန်လည် တင်းကျပ် ထားကြောင်း ကြားသိရသည်။

စစ်အစိုးရသည် လူထုဆန္ဒပြမှုများ ထပ်မံ ဖြစ်ပေါ်လာမည်ကို စိုးရိမ်သောကြောင့် လူသွား လူလာ များပြားသည့် အဓိက အချက်အချာကျ လမ်းဆုံ လမ်းခွများ အပါအ၀င် ရန်ကုန် မြို့တော်၏ နေရာဒေသ အတော် များများတွင် လုံထိန်းရဲများ ထူထပ်စွာ ချထားကြောင် လုံထိန်းရဲများ ချထားပြီး တပ်မ ၇၇ မှ စစ်သားများ တင်ဆောင် ထားသည့် စစ်ကား တချို့လည်း ရန်ကုန် လမ်းမကြီး များပေါ်တွင် လှည့်လည် သွားလာနေကြောင်း သိရသည်။

“အရင်ကတည်းက လုံခြုံရေးက တင်းကျပ်နေတာ။ အခု လုံထိန်းရဲ အရေအတွက် ပိုများလာတယ်။ ပိုပြီး တော့လည်း နေရာစိပ် လာတယ်။ ရန်ကုန် - ပြည် ကားလမ်းမကြီး အပါအ၀င် မြို့ထဲလာတဲ့ ကားလမ်းမကြီးတွေ တလျှောက် ပေ ၂၀ ကျော်ခြားနေရာတိုင်း လုံထိန်းရဲ သုံးယောက်ဆီ လက်နက် အပြည့်အစုံနဲ့ ချထားတယ်။ မြို့ထဲကို လိုင်းကားနဲ့သွားရင် လမ်းတလျှောက် လုံထိန်းရဲတွေချည်းပဲ” ဟု ရန်ကုန်အခြေစိုက် သတင်းထောက် တဦးက ပြောသည်။

ရန်ကုန် ကားလမ်းမကြီးများ တလျှောက်တွင်သာမက မြို့ထဲရှိ အသုံးမပြုတော့သော အစိုးရရုံး အဆောက်အအုံများအတွင်းတွင်လည်း လုံထိန်း တပ်ရင်းများ တိုးချဲ့ချထားကြောင်း ရန်ကုန်မြို့ခံများက ပြောသည်။

ဝန်ကြီးများရုံး၊ ဂရင်းမီးရထားဟိုတယ်၊ ပြည်သူ့လွှတ်တော် အဆောက်အအုံနှင့် အသုံးမပြုတော့သည့် တခြား အစိုးရ၀န်ကြီးဌာန ရုံးများတွင်လည်း လုံထိန်းရဲ ကင်းပုန်းတွေ ချထားသည်ဟု ၎င်းကဆက်ပြောသည်။

“၀န်ကြီးများရုံးထဲမှာ ဆိုရင် အချုပ်ကား၊ မီးသတ်ကားတွေနဲ့ ဒိုင်းတွေ၊ သံဆူးကြိုးတွေတင်ထားတဲ့ အပြာရောင် ရဲကားတွေ ရပ်ထားတယ်။ လွှတ်တော်အဆောက်အအုံ အနောက်ဘက်မှာလည်း လုံထိန်းရဲကားတွေ အများကြီးပဲ” ဟု ရန်ကုန်မြို့ခံတဦးက ရှင်းပြသည်။

စစ်အစိုးရအနေဖြင့် လက်ရှိတိုးမြှင့်ချထားသော လုံခြုံရေးအခြေအနေသည် ၂၀၀၇ စက်တင်ဘာ ရွှေဝါရောင် တော်လှန်ရေးအပြီး ပြုလုပ်ခဲ့သော လုံခြုံရေးပုံစံကဲ့သို့ပင် ဖြစ်ကြောင်း ရန်ကုန်မြို့ခံများက ဆိုသည်။

“ရွှေတိဂုံဘုရား ပတ်ဝန်းကျင်က ဓမ္မာရုံတွေနဲ့ ဘုရားပတ်ဝန်းကျင်မှာလည်း ရဲနဲ့စစ်သားတွေက ကင်းပုန်းတွေ ၀ပ်နေတုန်းပဲ။ ဘုရားပေါ်မှာလည်း အရပ်ဝတ်ရဲ၊ ထောက်လှမ်းရေး၊ စွမ်းအားရှင် အကုန်ရှိတယ်။ ၂၀၀၇
စက်တင်ဘာတုန်းကလို ပုံစံလိုမျိုးပဲ” ဟု ရွှေတိဂုံဘုရားမြောက်ဘက်မုခ်ရှိ ပန်း၊ ဆီမီး အရောင်းဆိုင် ပိုင်ရှင် အမျိုးသမီးတဦးက ပြောသည်။

“ဓမ္မနဲ့ အဓမ္မတိုက်ပွဲမှာ ဓမ္မကသာ နိုင်စမြဲပါ။အခုအချိန်မှာ အဓမ္မသားတွေ ဘုရားမြေပါမကျန် သေနတ်ကိုင် စောင့်ကြပ်နေကြတာက သူတို့မှာ အကြောက်တရား ကြီးနေတာကို ပြနေသလိုပဲ” ဟု ဗဟန်းမြို့နယ်မှ
စမ္မာစရိယဖြေဆိုမည့် သက်တော် ၃၀ ကျော်အရွယ် စာသင်သားသံဃာတဦးက မိန့်ကြားသည်။

စစ်အစိုးရအနေဖြင့် ၂၀၁၀ ရွေးကောက်ပွဲကို ဟန့်တားမည့် မည်သည့် အတားအဆီး၊ အနှောင့်အယှက် မှန်သမျှကို မဆို တွန်းလှန်ဖယ်ရှားသွားမည်ဟု မကြာခဏဆိုသလို ကြုံးဝါးလျှက်ရှိသည်။

၂၀၀၈ ခုနှစ် ဒီဇင်ဘာလ ၃၀ ရက်နေ့ နေ့လယ်က NLD လူငယ်အဖွဲ့ဝင်များဖြစ်ကြသည့် ကိုထွန်းထွန်းဝင်း၊ ကိုထွန်းထွန်းလင်း၊ ကိုပြည့်ပြည့်အောင်၊ ကိုဝင်းမြင့်မောင်၊ ကိုမင်းသိန်း၊ ကိုကောင်းထက်လှိုင်၊ ကိုဖြိုးဝေ၊ ကိုရဲနည်စိုး၊ မထက်ထက်ဦးဝေတို့ ၉ ဦးသည် ပင်နီတိုက်ပုံများဝတ်ဆင်လျှက် အင်္ဂလိပ်ဘာသာဖြင့်
ရေးထားသည့်`ဒေါ်အောင်ဆန်းစုကြည် လွှတ်ပေး´ ဆိုသော ဒေါ်အောင်ဆန်းစုကြည်ပုံပါ စာတန်းကို ကိုင်ဆောင်ပြီး NLD ရုံးချုပ်တည်ရှိရာ ရွှေဂုံတိုင်မှ ရန်ကုန် - ပြည်လမ်းအတိုင်း ငြိမ်းချမ်းစွာ လမ်းလျှောက်လာစဉ် ပြည်သူ့လွှတ်တော် အဆောက်အအုံအနီး၌ လုံထိန်းရဲများက ရိုက်နှက်ဖမ်းဆီးပြီး ရဲကားများဖြင့် ခေါ်ဆောင် သွားခဲ့သည်။

ထိုကဲ့သို့ ငြိမ်းချမ်းစွာဆန္ဒပြမှုကို ဦးဝင်းတင်နှင့် ဦးခင်မောင်ဆွေတို့က လူငယ်များအား မြှောက်ပင့်ပေးသော ကြောင့် ဖြစ်ရသည်ဟု ယနေ့ထုတ် ဝီးကလီးအလဲဗင်း အပတ်စဉ်ဂျာနယ်ပါ စစ်အစိုးရပေါ်လစီဆောင်းပါးတွင် ရေးသားထားသည်ကို တွေ့ရသည်။