နိုင်ငံရေးအကျဉ်းသား ၁၈ ဦးကို နယ်ထောင်များသို့ ဆက်လက်ပြောင်းရွှေ့

ကိုစိုး | နိုဝင်ဘာ ၂၄၊ ၂၀၀၈

စစ်အစိုးရက ဖမ်းဆီးထားသည့် နိုင်ငံရေး လှုပ်ရှားသူများကို မကြာသေးခင်က ပြစ်ဒဏ်များ ချမှတ်၍ ဝေးလံသည့် နယ်ထောင်များသို့ အပြောင်းအရွှေ့များ ပြုလုပ်လျက်ရှိရာ ယနေ့တွင် လည်း လူပေါင်း ၁၈ ဦး ကို ထပ်မံ ပြောင်းရွှေ့လိုက်ကြောင်းသိရသည်။

လွန်ခဲ့သည့်နှစ် စက်တင်ဘာလ ရွှေဝါရောင်တော်လှန်ရေးနှင့် ပတ်သက်ပြီး ပြစ်ဒဏ်ချခံရသည့် ဦးသဒ္ဒမ ခေါ် လူအမည် သက်ဇော်၊ ဦးဇာဏေယျ ခေါ် လူအမည် ဥာဏ်ဝင်း သံဃာ ၂ ပါး နှင့် မဟန်နီဦး၊ မကြည်ကြည်ဝါ ၊ မအိ ၊ မငယ် စသည့် အမျိုးသမီး ၄ ဦး အပါအ၀င် စုစုပေါင်း ၁၈ ဦး ကို ယနေ့တွင် အာဏာပိုင်များက အင်းစိန် ထောင်မှ နယ်ထောင်များသို့ ပြောင်းရွှေ့လိုက်သည်ဟု ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီ စောင့်ရှောက် ရေးအသင်း (အေအေပီပီ)က ပြောဆိုသည်။

ယင်းသို့ ထောင်အပြောင်းအရွှေ့များ ပြုလုပ်ရာတွင် အပြောင်းအရွှေ့ခံတချို့မှာ မူလပြောဆိုသည့်ထောင် နေရာ မဟုတ်ကြောင်းနှင့် ၎င်းတို့၏ မိသားစုဝင်များမှာ အခက်အခဲများနှင့်ကြုံတွေ့ရပြီး စိုးရိမ်ပူပန်ကြရကြောင်း လည်း သိရသည်။

အေအေပီပီ အတွင်းရေးမှူး ဦးတိတ်နိုင်က“နာမည်ရှိတဲ့လူတွေဆိုရင် အစွန်အဖျားထောင်တွေကို ပြောင်းတယ်၊ အဲဒီလို လူတွေကို ခွဲပြီးပို့တာတွေလည်း ရှိတယ်၊ ကျနော်တို့ သိရသလောက် ကိုမင်းကိုနိုင် က ပူတာအို ထောင် ကို ပြောင်းလိုက်တယ်၊ ကိုကိုကြီးက ကျောက်ဖြူထောင်၊ ဒါပေမယ့် ကိုမင်းကိုနိုင်တို့ ကိုကိုကြီးတို့ ဘယ်ထောင်မှာ ရှိတယ်ဆိုတာ သူတို့ မိသားစုတွေက အတိအကျ မသိရဘူးဖြစ်နေတယ်”ဟု ဧရာဝတီသို့ ပြောသည်။

“ဒီထက်ဆိုးဝါးတာက မိသားစုတွေ လိုက်သွားရင် ထောင်ဝင်စာတွေ့ခွင့်မရ တာတွေ၊ ထောင်ဝန်ထမ်းတွေက အချေမငံ ဆက်ဆံတာတွေရှိတယ်၊ အဲဒါတွေက အထက်အာဏာပိုင် အဆင့်ဆင့်က ညွှန်ကြားလို့လုပ်တယ်လို့ ယူဆပါတယ်၊ မြန်မာ ပြည်သူလူထုရော နိုင်ငံတကာကပါ သည်းမခံနိုင်စရာဖြစ်လာတယ်လို့လည်း ထင်ပါတယ်” ဟု ဦးတိတ်နိုင်က ဆက်လက်ပြောဆိုသည်။

၈၈ မျိုးဆက်ကျောင်းသား ခေါင်းဆောင်တဦးဖြစ်သည့် ကိုကိုကြီးကို စစ်အာဏာပိုင်များက နိုဝင်ဘာ ၁၁ ရက် တွင် ထောင်ဒဏ် ၆၅ နှစ် ချမှတ်ပြီး နောက် ရှမ်းပြည်နယ် ကျိုင်းတုံ ထောင်သို့ ပြောင်းရွှေ့လိုက်ကြောင်း သိရှိရ၍ ကျိုင်းတုံထောင်ကို ဆက်သွယ်စုံစမ်းသော်လည်း ထောင်အာဏာပိုင်များက ရေရာစွာ ပြန်လည် ဖြေကြားခြင်းမပြု ၍ စိုးရိမ်ကြောင်း ကိုကိုကြီး၏ ညီ ကိုအောင်ထွန်းကလည်း ပြောဆိုသည်။

“ကျနော် ထောင်မှာ မေးတော့ ကိုမင်းကိုနိုင်နဲ့ ကိုကိုကြီးကို ကျိုင်းတုံကို ပို့လိုက်တယ်တဲ့၊ ကျနော်က တာဝန်ခံကို သေချာလားလို့မေးတော့ သေချာတယ်တဲ့၊ ဒါနဲ့ ကျနော်ကျိုင်းတုံ ထောင်ကို ဆက်သွယ်တယ်၊ ကိုမင်းကိုနိုင်ကို တော့ ရှိတယ်လို့ သူ့မိသားစုကိုပြောတယ်၊ ကျနော်က ကိုကိုကြီးရှိလားလို့ ပထမ တခေါက်ဆက်တော့ မသိဘူးလို့ ပြောတယ်၊ နောက် တခေါက်လည်း ဆက်ရော ဖုန်းချပြီးတော့ ဘာမှပြန်မဖြေဘူး၊ သီချင်းတွေပဲ ဖွင့်ထားတယ်၊ အဲဒါ နဲ့ ကျနော်လည်း ၁၀ မိနစ်လောက်ကြာတော့ ချလိုက်တယ်၊ အခြေအနေကတော့ အဲဒါပဲ”ဟု ကိုအောင်ထွန်း က ပြောသည်။

ထို့အပြင် လူ့အခွင့်အရေးလှုပ်ရှားသူ မစုစုနွေးကိုလည်း အာဏာပိုင်များက မူလတွင် မန္တလေးထောင်သို့ ပြောင်းရွှေ့လိုက်သည်ဟုပြောဆိုသော်လည်း ကလေးထောင်တွင် ရောက်ရှိနေသည်ဟု ကြားသိရကြောင်း အမျိုးသား ဒီမိုကရေစီ အဖွဲ့ချုပ် ပြောခွင့်ရ ဦးဥာဏ်ဝင်းက ပြောဆိုသည်။
ပြီးခဲ့သည့် စနေ့နေ့က ၎င်း၏ ခင်ပွန်းသည် ရှေ့နေကြီး ဦးအောင်သိန်းရှိရာ ဧရာဝတီတိုင်း ပုသိမ်ထောင်သို့ သွားရောက်တွေ့ဆုံရန်ကြိုးပမ်းခဲ့သော်လည်း အမျိုးသားနေ့ဖြစ်၍ ထောင်ပိတ်သောကြောင့် အာဏာပိုင်များ က တွေ့ခွင့်မပေးသည့်အတွက် ရန်ကုန်မြို့သို့ ပြန်ခဲ့ရသည်ဟု ဦးအောင်သိန်း၏ ဇနီးက ပြောသည်။

“သားအမိ ၂ ယောက်သွားတာ ဦးအောင်သိန်း ထောင်ဝင်စာအတွက် မပါဘဲ ခရီးစရိတ် ကျပ် ၂ သောင်းလောက် ကုန်တယ်၊ ၂ ရက်လောက်လည်း အချိန်ကုန်တယ်၊ ထောင်အာဏာပိုင်တွေက တွေ့ခွင့်မပေးလို့ပြန်ခဲ့ရတယ်၊ သူကတော့ ကျန်းမာရေးကောင်းတယ် လို့ သိရပါတယ်”ဟု ၎င်းက ပြောပြသည်။

ယနေ့ပြောင်းရွှေ့လိုက်သည့် အကျဉ်းသားများကို သထုံ ၊ မော်လမြိုင်၊ ကလေး၊ မိတ္ထီလာ၊ မြင်းခြံ၊ ဗန်းမော်၊ တောင်ကြီး၊ လာရှိုး၊ ထားဝယ်၊ ပေါင်းတည်၊ သာယာဝတီ စသည့် ထောင်များသို့ ပြောင်းရွှေ့လိုက်ကြောင်း အေအေပီပီ က ထုတ်ပြန်ထားသည်။

ယခုလအတွင်း ပြစ်ဒဏ် ကျခံရသူပေါင်း ၁၄၃ ဦး ရှိပြီး နိုင်ငံရေးအကျဉ်းသား ၁၀၀ ကျော်ကို ထောင်ပြောင်းရွှေ့ခဲ့ ကြောင်းလည်း အေအေပီပီက ဆိုသည်။