စာရေးဆရာ ဆူးငှက်နှင့် တွေ့ဆုံခြင်း

ဧရာဝတီ | နိုဝင်ဘာ ၂၈၊ ၂၀၀၈

၂၀၀၇ ခုနှစ် အတွက် အမျိုးသား စာပေဆု ၀တ္ထုရှည် ဆုကို “တိမ်ယံ အိပ်မက် မိုးထက်နရီ” အမည်ရှိ ၀တ္ထုဖြင့် ဆုရရှိသူ ဆရာ ဆူးငှက်အား ယင်းဆုနှင့် ပတ်သက်ပြီး စာဖတ် ပရိသတ် အတွက် ဧရာဝတီက မေးမြန်း ဖော်ပြလိုက်ပါသည်။

မေး။ ။ ဆရာ ဒီဆုကို ဘာကြောင့် ရတယ်လို့ ထင်ပါသလဲ ။

ဖြေ။ ။ နည်းနည်းဖြေရ ခက်မယ် ထင်တယ်ဗျ၊ (ရယ်လျှက်) ၊ အဓိက ကတော့ ယဉ်ကျေးမှုနဲ့ ပတ်သက်တာပါပဲ၊ အမျိုးသား ယဉ်ကျေးမှုနဲ့ ပတ်သက်တဲ့ ကိစ္စပါ။

ဝတ္ထုက မန္တလေးမြို့မှာ စစ်ကြီးပြီးတဲ့ နောက်ပိုင်း ရတနာပုံ ခေတ်တုန်းက ထွန်းကားခဲ့တဲ့ ရိုးရာ ဂီတတွေနဲ့ စစ်ကြီး အပြီးမှာ နိုင်ငံခြားက ၀င်ရောက်လာတဲ့ အနောက် ဂီတတွေပေါ့ဗျာ၊ အနောက်တိုင်း တူရိယာတွေ၊ အဲဒါတွနဲ့ အဲဒါကို ဘယ်လို ပေါင်းစပ်ကြသလဲပေါ့ဗျာ၊ ဆရာ မြို့မငြိမ်းတို့ ဒါးတန်း ဦးသန့်တို့လို အဲဒီခေတ်က ခေတ်ပညာတတ် လူငယ်တွေကနေ တလျှောက်လုံးက မြန်မာ့ မဟာ ဂီတနဲ့ အရိုးစွဲလာ ခဲ့ကြတဲ့ အဲဒီသီချင်းတွေ အဲဒီတီးလုံး တွေကိုပဲ အဲဒီအချိန်မှာ ရောက်လာတဲ့ အနောက်တိုင်း တူရိယာ ပစ္စည်းတွေနဲ့ တီထွင် ပြီးတော့ တီးကြ မှုတ်ကြပြီးတော့ လူတွေကြား ရောက်သွားအောင် သူတို့ အခက်အခဲ တွေနဲ့ သူတို့ရဲ့ လုပ်ဆောင်မှုတွေနဲ့ အဲဒါကို ဇာတ်အိမ်ဖွဲ့ ရေးထားတာပါ၊ အဲဒါကြောင့်လို့ ထင်ပါတယ်။

မေး။ ။ အခု ဆုရတဲ့ ၀တ္ထု အမည်ကို ဘာဖြစ်လို့ တိမ်ယံအိပ်မက် မိုးထက်နရီလို့ ပေးရတာပါလဲ။

ဖြေ။ ။ ၀တ္ထု အမည် တိမ်ယံအိပ်မက် မိုးထက်နရီလို့ ပေးထားတာက လူငယ်တွေမှာ များသောအားဖြင့် စိတ်ကူး စိတ်သန်းပေါ့၊ အဲဒီ အိပ်မက်ဟာ သိပ်ပြီး မြင့်မားတယ်၊ ဘာဖြစ်လို့လည်း ဆိုတော့ အဲဒီအချိန်မှာ အနောက်နိုင်ငံ တွေမှာ ဆင်ဖိုနီ အော်ခက်စ်ထရာ ၀ိုင်းကြီးတွေ ပေါ်နေပြီ၊ ထူးထူးခြားခြားကို ပေါ်နေပြီ၊ ပေါ်နေတဲ့ အချိန်မှာ ဗမာမှာတော့ မရှိသေးဘူး။

အဲဒီတော့ သူတို့ရဲ့ အိမ်မက်က ဒီဗမာမှာ ရှိထားတဲ့ မဟာဂီတမှာ လာတဲ့ အဖိုးတန်တဲ့ တေးသွားတွေကို အဲဒီလို အနောက်တိုင်း တူရိယာ ပစ္စည်းကြီးတွေနဲ့ ဆင်ဖိုနီ ၀ိုင်းကြီးတွေ လုပ်ပြမယ်ဆိုတဲ့ အိပ်မက်ပေါ့၊ အဲဒါ မြင့်မားတာ မို့လို့ တိမ်ယံ အိပ်မက်လို့ သုံးတာ၊ မိုးထက် နရီ ဆိုတာကတော့ အဲဒီအိပ်မက်ကို ဘယ်လို အကောင်အထည် ဖော်မလဲပေါ့၊ အကောင် အထည်ဖော်တဲ့ နေရာမှာ နရီ ဆိုတာ ဘာကို ပြောလဲဆိုတော့ ဗမာ့ဂီတမှာ စည်းဝါးမှာ သုံးတဲ့ အသုံးပေါ့၊ နရီတို့ ၀ါးလတ်တို့ ၀ါးပြေးတို့ ၊ နရီ ဆိုတာ အရိုးဆုံးနဲ့ ဖြည်းဖြည်း မှန်မှန်နဲ့ စည်းစနစ် အကျဆုံးပေါ့ဗျာ။

အဲဒီလို သူတို့ ရဲ့အိပ်မက်ကို အကောင်အထည်ဖော်တဲ့ အခါမှာ အရိုးသားဆုံးနဲ့ စည်းစနစ် အမှန်ဆုံး ၊ နောက် အိနြေ္ဒရရ ဒီဟာကို အကောင်အထည်ဖော်သွားကြတယ်၊ အဲဒါပါပဲ။

မေး။ ။ ဆရာ ဒီဝတ္ထုကို ဘာကြောင့် ရေးဖြစ်တာလဲ ဆိုတာပြောပေးပါဦး။

ဘာကြောင့်ရေးဖြစ်တာလဲ ဆိုတော့ ဒီနေ့အထိ ယဉ်ကျေးမှုရဲ့ အချိုးအကွေ့တိုင်း အချိုးအကွေ့တိုင်းမှာ ကျနော် တို့ ဘက်မှာ ကိုယ်ခံအားကောင်းတဲ့ ယဉ်ကျေးမှုတွေ အများကြီးရှိခဲ့တယ်ဗျ။ ပျူခေတ် ကတည်းကပေါ့ဗျာ၊ ဒါကို အဓိပ္ပာယ်ရှိစွာ အမြော်အမြင်ကြီးစွာနဲ့ ပေါင်းစပ်နိုင်တယ်ပေါ့ဗျာ၊ ခေတ်ကာလ အချိန်မှာလည်း အဘက်ဘက်က မီဒီယာအားကောင်းတာရော နည်းစစ် နည်းပညာတွေအားကောင်းတာရော ၊ ဒီလို အားကောင်းနေတဲ့ အချိန်မှာ ဒီထက်မက ပေါင်းစပ်နိုင်တဲ့ အခွင့်အလမ်းတွေရှိတယ်။

ကျနော်တို့ အဲဒါကို ဒီနေ့ လူငယ်တွေဟာ သူတို့နဲ့ အနီးစပ်ဆုံးခေတ် ကမ္ဘာမှာ ဂျက်ဇ် ထွန်းကားနေတဲ့ အချိန်၊ တဘက်ကလည်း ကလပ်စစ် တွေနဲ့ ဆင်ဖိုနီ ၀ိုင်းကြီးတွေ တအား ထွန်းကားနေတဲ့ အချိန်၊ ဒီမှာ ဗမာ ဆိုင်းဝိုင်းနဲ့ ဗမာ တူရိယာ ပစ္စည်းနဲ့ ရှိနေတဲ့ ကာလ၊ သူတို့နဲ့ ခေတ်လူငယ်တွေနဲ့ အနီးစပ်ဆုံး နောက်ကြောင်း ပြန်လိုက်တဲ့ အခါမှာ အဲဒီကာလက အနီးစပ်ဆုံးကိုဗျာ။

အဲဒီကာလက ၁၉၂၅ မှ သည် ၁၉၅၀ ကျော် ၁၉၆၀ ၀န်းကျင်ကာလ အတွင်း ကြိုးစားခဲ့ကြတဲ့ ကိစ္စတွေကို ကျနော် ရေးဖြစ်တာပါ၊ အဲဒါကို ကျနော် ဥာဏ်စွမ်း ရှိသလောက် မန္တလေးက မြို့မ တူရိယာ အသင်းကြီးကို အခြေခံပြီး ဆရာငြိမ်း(မြို့မငြိမ်း)တို့၊ ဆရာသန့်(ဒါးတန်း ဦးသန့်)တို့ ဘယ်လိုလုပ်ခဲ့ကြသလဲ ဆိုတာကို ကျနော် လက်လှမ်းမီသရွေ့ ၀တ္ထုပုံစံ မျိုးဖွဲ့ပြီးတော့ အသိပေးတဲ့ သဘောပါပဲ။

ဒီစာအုပ်က မနှစ်က သြဂုတ်၊ စက်တင်ဘာလောက်က ထွက်တာပါ၊ စာအုပ် မထွက်ခင် ရွှေအမြုတေ မဂ္ဂဇင်းမှာ အခန်းဆက် အနေနဲ့ ကျနော် ၁၁ လ ရေးခဲ့ပါတယ်၊ မနှစ်က ရွှေအမြုတေရဲ့ အကြိုက်ဆုံး ၀တ္ထုရှည် ဆု ကိုလည်း ပေးခဲ့ဖူးပါတယ်။

မေး။ ။ နောက်ဆုံး တခုမေးပါရစေ၊ အခု ဆုရတဲ့ အပေါ်မှာ ဆရာ့ခံစားမှုကို ပြောပြပေးပါ။

ဖြေ။ ။ ၀မ်းသာပါတယ်ဗျာ ၊ ဘာပဲ ပြောပြော ကျနော့်ကို တကယ်တမ်း ဆူးငှက်အနေနဲ့ ဖြစ်သွားအောင် ပြုစုပျိုးထောင် ပေးခဲ့တာက လူထု ဒေါ်အမာကိုဗျ၊ ဒါပေမယ့်ဗျာ မနက်ဖြန်ဆိုရင် ဒေါ်ဒေါ်က ၉၃ နှစ် ပြည့်ပြီ၊ ဒီအချိန်မှာ မရှိ တော့ဘူး၊ အဲဒီ အတွက်ကတော့ စိတ်မကောင်းဘူး၊ ဘာဖြစ်လို့လည်းဆိုတော့ ဒီဝတ္ထုကို သူဖတ်ပြီးတော့ သူ ကိုယ်တိုင် ကျနော့်ကို ခေါ်ပြီးတော့ ၀မ်းသာ စကားပြောဖူးတယ်၊ သူရေးစေချင်တဲ့ အကြောင်းအရာတွေကို၊ အဲဒါပါပဲ။