ကာတွန်းဆရာကြီးများ ကန်တော့ပွဲ အာဏာပိုင်များ စောင့်ကြည့်

အောင်သက်ဝိုင်း | ဒီဇင်ဘာ ၂၉၊ ၂၀၀၈

ရန်ကုန်မြို့ လှိုင်မြို့နယ်ရှိ ကာတွန်းဆရာကြီး ဦးဖေသိန်း နေအိမ်တွင် ယမန်နေ့က ပြုလုပ်သော ၃၃ ကြိမ်မြောက် ကာတွန်း ဆရာကြီးများ ကန်တော့ပွဲကို အာဏာပိုင်များက အနှောင့် အယှက်မပေးသော်လည်း စောင့်ကြည့်မှုများ ပြုလုပ်ကြောင်း ကန်တော့ပွဲတက်ရောက်ခဲ့သည့် ကာတွန်းဆရာများက ပြောသည်။

အဆိုပါ ကာတွန်းဆရာများထဲတွင် နိုင်ငံရေးမှုဖြင့် ထောင်ကျဖူးသူများ ပါဝင်သည့်အတွက် အာဏာပိုင်များက ယင်းသို့ စောင့်ကြည့်ခြင်း ဖြစ်နိုင်သည်ဟု ရန်ကုန်မြို့မှ ကာတွန်းဆရာ တဦးကပြောသည်။

“ကာတွန်းဆရာဆိုတာ သူတို့တတ်တဲ့ ပညာနဲ့ ခေတ်အဆက်ဆက် အမှန်တရားဘက်က ရပ်တည်ခဲ့တဲ့ လူထုရဲ့ သားသမီးတွေဆိုတော့ အာဏာပိုင်တွေက မကြိုက်ကြဘူး"ဟု ၎င်းက ဆိုသည်။

ယမန်နေ့ နံနက်ပိုင်းက ကျင်းပခဲ့သည့် ကန်တော့ပွဲအခမ်းအနားတွင် ကာတွန်းဆရာကြီးများဖြစ်သော အသက် ၈၅ နှစ်ရှိ ကာတွန်း ဦးဖေသိန်း ၊ အသက် ၈၀ ကျော် ရှိ ကာတွန်း ဦးအောင်ရှိန်နှင့် အသက် ၇၀ ကျော် ရှိ ကာတွန်း ဦးရွှေမင်းသားတို့ကို ကန်တော့ကြပြီး ကွယ်လွန်ခဲ့ကြသည့် ကာတွန်းဆရာကြီးများ၏ ဂုဏ်ကျေးဇူးကို အောက်မေ့ သတိရသောအားဖြင့် ၁ မိနစ် ငြိမ်သက် ခြင်းများကို ပြုလုပ်ကြောင်း သိရသည်။

နှစ်စဉ်ကျင်းပသည့် ယင်းကာတွန်း ဆရာကြီးများကန်တော့ပွဲသည် တနိုင်ငံလုံးရှိ ကာတွန်းဆရာများ တက် ရောက်ကြပြီး ယခုနှစ်တွင် စာပေအနုပညာအသိုင်းအ၀န်းမှ စာရေးဆရာများ၊ သတင်းစာဆရာများ၊ ကာတွန်း ၀ါသနာရှင်များ စုစုပေါင်း ၂၀၀ ကျော် တက်ရောက်ခဲ့ရာ ယမန်နှစ်ကထက်ပိုမိုများပြားသည်ဟု အထက်ပါ ရန်ကုန်မြို့မှ ကာတွန်းဆရာက ပြောပြသည်။

"ဒီပွဲက တနိုင်ငံလုံးမှာရှိကြတဲ့ ကာတွန်းဆရာတွေ ဆုံကြတဲ့ပွဲတခုပါ၊ နှစ်စဉ်နှစ်တိုင်းအစဉ်အလာမပျက် လုပ်လာ တာ၊ ကိုယ့်ရှေ့က ဒီကာတွန်းလောကကို ဖွံ့ဖြိုးတိုးတက်အောင် ဆောင်ရွက်ခဲ့တဲ့ သင်ဆရာ၊မြင်ဆရာ၊ကြားဆရာ ကာတွန်းဆရာကြီးတွေ၊ ဆရာသမားတွေကို ဂုဏ်ပြုတဲ့ပွဲလေးမို့ တနိုင်ငံလုံးက ကာတွန်းဆရာတွေမဖြစ်မနေ လာ တက်ကြတာပါ"ဟု ၎င်းက ပြောသည်။

ကျောက်ပန်းတောင်းနယ်သား ကာတွန်းဆရာတဦးကလည်း"အလုပ်တွေဘယ်လောက်ပဲ မအားလပ်ပါစေ၊ ကာတွန်းဆရာမှန်ရင် ဒီပွဲလေးကို ရောက်အောင်လာပြီး ဂါရ၀ပြုရတာ ကျနော်တို့ ကာတွန်းလောကမှာ
အစဉ်အလာတရပ်လိုဖြစ်နေတယ်" ဟု ဆိုသည်။

ကာတွန်း ဆရာကြီးများ ကန်တော့ပွဲ စတင်ဖြစ်ပေါ်လာပုံမှာ ပြည်တွင်းစစ်မဖြစ်ပွားခင်ကစ၍ ရန်ကုန်မြို့၊၁၃ လမ်း(အောက်ပိုင်း)တွင် တန်ဆောင်တိုင်ကာတွန်း မီးထွန်းပွဲတော်ကို ကာတွန်း ဦးဘဂျမ်းနှင့် ဦးဟိန်စွန်းတို့ က
ဦးစီးကျင်းပခဲ့ပြီး ၁၉၅၃ ခု ဦးဘဂျမ်းကွယ်လွန်ပြီးနောက် ဆက်လက်ဦးစီးခဲ့သော ပုဇွန်တောင်မြို့နယ်တွင် နေထိုင်သည့် ဦးဟိန်စွန်းကို သွားရောက် ကန်တော့ကြရာမှ သန္ဓေတည်ခဲ့ခြင်းဖြစ်ကြောင်း သိရသည်။